ABŞ Prezidenti Donald Trampla Almaniya kansleri Angela Merkel arasında telefon danışığı baş tutub.
Liderlərin telefon söhbətində əsas müzakirə mövzusu Rusiya Prezidenti Vladimir Putinin təqdim etdiyi yeni nüvə silahı olub.
Putinin açıqlamasından yaranan narahatlığı dilə gətirən liderlər həmçinin Rusiya prezidentinin açıqlamalarının silah nəzarəti ilə bağlı təşəbbüslərə mənfi təsir göstərəcəyi barədə həmfikir olduqlarını bildiriblər.
Merkellə Tramp arasında gedən danışıqlarda bununla yanaşı Suriya BMT Təhlükəsizlik Şurasının qərarına əsasən tətbiq olunan atəşkəs prosesi də yer alıb.
Qeyd edək ki, ötən gün Rusiya Prezidenti Vladimir Putinin rəhbərliyi ilə Federal Şuranın iclası keçirilib. İclasda yeni raket kompleksləri, qanadlı raketlər üçün nüvə təchizatı, döyüş lazer kompleksləri və s. yeni nəsil silahlar nümayiş olunub.(Axar.az)

Xəbərdən istifadə edərkən istinad etmək vacibdir.