Bu sözləri Xeberle.com-a açıqlamasında politoloq Nəzakət Məmmədova Misir politoloqu Məhəmməd Salehin sözlərinə münasibət bildirərkən qeyd deyib. Onun sözlərinə görə, ərəb ölkələri Amerikanın Yaxın Şərqdəki siyasətinə heç bir müdaxilə etməyəcəklər:

"Ərəb ölkələri vaxtilə ingilislər və fransızlar tərəfindən osmanlıların nəzarətindən çıxarılıb. Həmin dövrlərdə onlar üsyan etdilər və İngiltərənin, Fransanın təsiri altında dövlət formalaşdırdılar. Onlar Qərbin istədiyi adamları hakimiyyətə gətiriblər və ərəb ölkələrinin əksəriyyətində monarxiya rejimi yaradıblar. Hətta respublika quruluşu olan ölkələrdə belə istədiklərini hakimiyyətə gətirirlər. Yəni bu ölkələrdə hansı quruluşun olacağını üç dövlət- Amerika, Fransa və İngiltərə müəyyən edir. Ona görə də ərəb ölkələri Amerikanın Yaxın Şərqdəki siyasətinə heç bir müdaxilə etməyəcəklər. Yəni sözügedən monarxlar üçün özlərinin və sülalərinin hakimiyyətini qorumaq ərəb, müsəlman həmrəyliyini müdafiə etməkdən daha vacibdir. Bu səbəbdən də Fələstində əhali son nəfərinə qədər məhv olsa da, bu dövlətlər səslərini çıxarmayacaqlar. Onların ərəb köklərinin olması da şübhə altındadır. Yüz il əvvəl Amerika və İngiltərə bu dövlətlərdə millətçilikdən uzaq şəxsləri hakimiyyətə gətiriblər. Həmin adamlar da bilirlər ki, onlar ərəb həmrəyliyinə, fələstinli ərəblərə dəstək verən kimi, Amerika onları hakimiyyətdən uzaqlaşdıracaq. Təbii ki, sözügedən şəxslər hakimiyyəti, milyardlarla pulu, təbii sərvətləri qoyub getmək istəmirlər. İsrail yeni yarananda (14 may, 1948) ərəb ölkələrində həmrəylik var idi. İlk vaxtlar ərəb ölkələrinin əksəriyyəti İsrailə qarşı idi, amma daha sonra onlardan bəziləri İsraillə əməkdaşlıq yolunu seçdilər. 1978-ci ildə Misir İsrail ilə Kemp Deviddə separat danışıqları apardı və barışıq müaviləsi imzaladı. Beləliklə də, Misir ərəb ölkələrinin mövqeyindən geri çəkildi. Yəni demək istəyirəm ki, ilk vaxtlar bu ölkələr arasında həmrəylik var idi. Amma indi Amerika onların əksəriyyətini ələ alıb”.

Xatırladaq ki, Misir politoloqu Məhəmməd Saleh İsrail və Fələstin arasındakı toqquşmalar nə qədər ağır olsa da, ərəb dövlətləri bu konfliktə müdaxilə etməyəcəklərini deyib.

Elnarə Salamova

Xeberle.com

Siyasət bölməsi