"Böyük Britaniya son illər daha müstəqil siyasət yürütməyə
başlayıb. Yəni artıq Amerika Birləşmiş Ştatlarının (ABŞ) kiçik partnyoru
olmaqdan imtina edib”.
Bu sözləri Xeberle.com-a açıqlamasında politoloq Əhəd Məmmədli
Böyük Britaniyanın Xarici İşlər naziri Boris Consonun sözlərinə münasibət
bildirərkən deyib. Onun sözlərinə görə, Böyük Britaniya keçmişdəki imperiya, nəhəng dövlət ənənələrinə qayıtmaqdadır:
"Fikir versəniz ABŞ Tehranla bağlanan müqavilədən çıxdı, amma İngiltərə yox.
Avropada, Amerikada Türkiyəyə qarşı fobiya və hücumlara rəğmən Böyük Britaniya
həmin proseslərdə iştirak etmədi. Eynilə Rusiya ilə bağlı da İngiltərənin fərqli
siyasəti var. Regionda və dünyada Türkiyə-İngiltərə ittifaqı yaranmaqdadır. Yəni
bu iki ölkənin maraqları üst-üstə düşür. İstər Yaxın Şərqdə, istərsə də Şərqi
Avropada Rusiya və İranla münasibətlərdə bu iki ölkənin maraqları toqquşur. Elə
məsələlər var ki, onlarla İngiltərə ilə Amerika razılaşır. Bunlar "Ağ dəniz”,
Suriya və Rusiya məsələləridir. Bu, Böyük Britaniyanın Amerika ilə birlikdə
Rusiyanın üzərinə getməsi üçün yazılan ssenari də ola bilər. Yaxud da ola bilər
ki, biz gələcəkdə Rusiya ilə İngiltərənin yaxınlaşmasını gördük”.
Qeyd edək ki,
Böyük Britaniyanın Xarici İşlər naziri Boris Conson Rusiya Prezidenti Vladimir
Putinə yaxın adamların öhdəsindən gəlmək üçün İngiltərənin öz metodları
olduğunu bildirib. O, həmçinin qeyd edib ki, 2019-cu ilin martında Avropa
Birliyini tərk etdikdən sonra isə Britaniyanın daha sərt mövqe nümayiş etdirmək
imkanları yaranacaq.
Elnarə Salamova
Xeberle.com
Siyasət bölməsi
Xəbərdən istifadə edərkən istinad etmək vacibdir.
