Türkiyədən erməni vertolyotunu vurmağımıza növbəti dəstək gəldi. Xeberle.com məlumat verir ki, CHP Artvin millət vəkili Uğur Bayraktutandan sonra Ülkümən Rodoplu da Azərbaycan ordusunun erməni vertolyotunu vurmasını dəstəklədi. Bu gün Can Radyoda Doğan Beyazgüllə "Göy qurşağı” proqramının qonağı olan, CHP İzmir il başqan müavini, 2015-ci il parlament seçkilərində millət vəkilliyinə namizəd, doktor Ülkümen Rodoplu Türkiyədə və dünyada baş verən bir sıra məsələlərə dair suallara aydınlıq gətirdi. Bu suallar içində dörd gün əvvəl Azərbaycan sərhədlərini pozduğu üçün əsgərlərimiz tərəfindən vurularaq məhv edilən erməni vertolyotu məsələsi də vardı. Ülkümən Rodoplu bu hadisəni eşidər-eşitməz heç bir tərəddüd olmadan "Azərbaycan haqlı olduğu üçün qardaşlarımızn yanındayam" dedi. CHP funksioneri illərdir Azərbaycanın Dağlıq Qarabağ bölgəsinin işğal altında olduğunu, dünyanın hələ bu problemə göz yumduğunu, onlara baxıb bizlərin buna göz yuma bilməyəcəyimizi xatırladaraq, "Azərbaycan bir türk dövlətidir. Qanı qanımızdan, canı canımızdan olan qardaşlarımızdır. Qardaşlığı bir kənara qoyaq, Dağlıq Qarabağ məsələsində Azərbaycan haqlıdır. 20 faiz torpağı işğal edilən Ermənistan deyil, Azərbaycandır. Buna görə də, heç bir tərəf tutmadan Azərbaycanın haqlı olaraq yanındayıq. Kimsənin kimsənin sərhədlərini pozmaq haqqı yoxdur». Bundan başqa, Rodoplu Azərbaycanın bütün uğurlarına sevindiyini xatırladaraq, "Qalatasaray” Avropada uğur qazananada Azərbaycanın küçələri insanlarla dolmuşdu, millət milli bayramını keçirirdi, sanki. Dünyada hansı uğurumuz olubsa, Azərbaycan bayraqlarıyla yanımızda olub. Kədərimiz kədərləri, sevincimiz sevincləri olub. Həmçinin, Azərbaycanın uğuru məni hər zaman sevindirib. Kədərləri kədərim olub. Elm sahəsində Azərbaycanın dünyadakı uğurlarına qürurlanmışam. Bir sözlə, kim nə edərsə etsin, bizi ayıra bilməzlər”, - dedi.