6 ərəb ölkəsi birgə dəniz və polis sistemi yaratmaq barəsində razılığa gəliblər.
Bu barədə qərar Fars körfəzi ərəb ölkələrinin Əməkdaşlıq Şurasının Dohada keçirilən sammitində verilib.
Birgə dəniz və polis sistemi yaradacaq ərəb ölkələri Səudiyyə Ərəbistanı, Oman, Küveyt, Birləşmiş Ərəb Əmirlikləri, Qətər və Bəhreyndir.
Mərkəzi Əbu-Dabidə yerləşəcək birgə polis sistemi vasitəsi ilə terrorizm və narkotik vasitələrin yayılmasına qarşı mübarizənin təkmilləşdirilməsi planlaşdırılır.
Yaradılacaq hərbi-dəniz qüvvələrinin qərargahı isə Bəhreyndə yerləşəcək.
Xəbərdən istifadə edərkən istinad etmək vacibdir.
