"BMT nizamnaməsinin qəbul edilməsinin 75 illiyinə həsr olunmuş siyasi debatda Azərbaycan Prezidenti İlham Əliyevin proqram xarakterli çıxışı dünya və BMT-yə üzv olan ölkə nümayəndələri tərəfindən maraqla qarşılanıb”.
Xeberle.com xəbər verir ki, bunu konkret.az-a açıqlamasında deputat Müşfiq Məmmədli bildirib.
"Burada əsas aspektlərdən biri odur ki, BMT Təhlükəsizlik Şurasının qəbul etdiyi 4 qətnamənin bu günə kimi əməl edilməməsi və süper güc dövlətlərin bu qərarların yerinə yetirilməsinə diqqətlə yanaşmaması cənab Prezident tərəfindən çox mühüm məsələ kimi qeyd edildi. Dağlıq Qarabağ və onun ətrafındakı 7 rayonun Ermənistan tərəfindən işğal faktı bu qətnamələrdə öz əksini taparaq pislənmişdi, Ermənistanın qeyri-şərtsiz torpaqlarımızı tərk etməsi tələb kimi qoyulmuşdu. Lakin 30 ilə yaxındır ki, bu qətnamələr yerinə yetilmir. Bu da BMT-nin beynəlxalq təşkilat kimi nüfuzunun enməsinə səbəb olub” deyə o qeyd edib.
Milli Məclisin üzvü vurğulayıb ki, işğalçı Ermənistan bizim ərazilərimizdə mədəni və irsi abidələrimizi tağıtmaqla beynəlxalq hüquq normalarını kobudcasına pozur:
"Etnik tərkibi dəyişmək məqsədi ilə müxtəlif ölkələrdən işğal ərazilərinə ermənilərin köçürülməsi, azərbaycanlıların orada yaşamasını sübut edən qəbirlərin, tarixi abidələrin, məscidlərin dağıdılması və bütün infrastrukturun məhv edilməsi erməni vandalizmin bariz nümunəsidir. Cənab Prezident bu məsələləri qabartmış, BMT-nin qərarlarının icrasının təmin edilməsi üçün yeni mexanizmlərin hazırlanmasını vacib hesab etmişdi. BMT kimi böyük nüfuza malik olan təşkilat özünün təməl prinsiplərinə xidmət edən mexanizmi təmin edə bilmirsə, o zaman bu təşkilatın nüfuzuna kölgə düşmüş olur. Azərbaycan liderinin fikirləri məhz bu istiqamətdə idi. O, dünya birliyinə həm Azərbaycan həqiqətlərini çatdırdı, həm də BMT-nin işlək mexanizmə çevrilməsinin vacibliyini diqqətə çatdırdı”.
Xəbərdən istifadə edərkən istinad etmək vacibdir.
