Qarabağla bağlı koordinasiya qrupunun növbəti iclasının fevralın 27-də Moskvada keçirilməsi planlaşdırılıb.
Xeberle.com xəbər verir ki, bu barədə Azərbaycan Prezidenti İlham
Əliyev bu gün keçirdiyi mətbuat konfransında məlumat verib. Prezident
bununla belə iclasın təxirə salınması ehtimalına diqqət çəkərək, İrəvan
tərəfindən hələ dəqiq cavab gəlmədiyini bildirib.
"İki görüş artıq baş tutub. Üçüncüsü sabah Moskvada planlaşdırılırdı,
ancaq mənə İrəvanın bunu təxirə salıb-salmadığı barədə hələ ki, məlumat
verilməyib. Əgər təxirə salınarsa, biz bunu anlayışla qarşılayarıq”,-
deyə İlham Əliyev qeyd edib.
Qeyd edək ki, yanvarın 11-də Azərbaycan, Rusiya
və Ermənistan liderləri İlham Əliyev, Vladimir Putin və Nikol Paşinyan
arasındakı danışıqlardan sonra üç ölkənin baş nazir müavinlərinin
rəhbərlik etdiyi bir işçi qrupu yaradılıb. İşçi qrupu Qarabağın inkişaf
planlarına dair təkliflərini martın 1-dək təqdim etməlidir.
Üçtərəfli işçi qrupunun ikinci iclası fevralın 12-də videokonfrans formatında keçirilib.
Xəbərdən istifadə edərkən istinad etmək vacibdir.
