Tarixə baxanda görürük ki, ermənilərin heç vaxt nizami ordusu olmamışdır. Yalnız terrorçu qrupları və birlikləri olmuşdur ki, onların da törətdikləri terror aktları hamıya məlumdur. 1905-ci ildə Şuşa, Bakı, İrəvan, Zəngəzur, Naxçıvan, Qarabağ və digər yerlərdə, 1918-ci ildə İravan, Urmiya, Maku, Xoy eləcədə Şamaxı, Quba və sair yerlərdə yüzlərlə terror aktları törətmiş və 100 minlərlə insan qətlə yetirmişlər. Xüsusi amansızlıqla qətlə yetirdikləri insanların əksəriyyəti silahsız, əliyalın, uşaq, qadın və qocalar olmuşdur.
1988-ci ilin 13 fevral tarixində erməni terror təşkilatlarının başlatdıqları anti-türk təbliğatından başlayaraq, əsrin əvəlində həyata keçirdikləri terror aktlarının davamı kimi Azərbaycanlıları dədə-baba yurdlarından çıxararaq əmlaklarına sahiblənməyə başladılar. Bununla kifayətlənməyərək Azərbaycan ərazilərində amansız terror aktları həyata keçirərək Azərbaycanın böyük bir ərazisində şəhərləri, kəndləri yandıraraq, yerli əhalını insanlığa sığmayan üsullarla öldürərək qəhramanlıq etdiklərini, yaratdıqları terror təşkilatlarını yenilməz ordu kimi qələmə verməyə çalışdılar.
Bu mifalogiyanı 44 günlük Vətən Müharibəsində Azərbaycanın rəşadətli ordusu və onun Ali Baş Komandanı darmadağın etdi. Keçilməz ohanyan səddini Azərbaycan əsgəri bir-neçə saatda keçərək 30 ilin həsrətinə son qoyaraq, əzəli torpaqlarımıza mübarək qədəmini qoydu. Ermənilərin yenilməz ordu adlandırdıqları terrorçu birləşmələrin "tuşenka” satan generalları və 10 mindən artıq əsgəri qaçıb gizləndi. 25 mindən artıq əsgəri aman dilədi.
Ermənilərdən fərqli olaraq Azərbaycan əsgəri silahsız insanlara atəş açmır, qaçanları öldürmür və əksinə təslim olanları müalicə müəssisələrinə göndərirdi. Bu Azərbaycan Ali Baş Komandanının tapşırığı idi və Azərbaycan əsgəri sözsüz icra edirdi.
Bu gün Azərbaycanın rəşadətli ordusunun qəhramanlıqlarından bəhs edən tarixi filimlər çəkilir, hekayələr və dastanlar yazılır, ordumuzun şücaətli əsgərlərinə mahnılar bəstələnir. Bütün bunları qürurla izləyərək, fəxr edirik.
Ali Baş Komandan azad olunmuş torpaqlarımızda erməni vəhşiliklərinin izini silmək, tarixi şəhər və kəndlərimizi insan məskəninə çevirmək üçün böyük quruculuq-bərpa işləri başladıb. Bu məqsədlə 2.2 milyard manat vəsait ayrılıb. Hazırda infrastruktur bərpa olunur, yollar çəkilir, su-elektrik stansiyaları tikilir, binalar inşa edilir. Bütün bunlara Ali Baş Komandan şəxsən özü nəzarət edir və bu işlərlə tanış olmaq məqsədi ilə hər bir şəhər və kəndlərimizə səfərlər edir.
Ali Baş Komandanın səfərlərini diqqətlə izləyirik. Həyata keçirdiyi tarixi işlər və təməlqoymalar bizi çox sevindirir. Bu səfərlər zamanı xalqımıza, dostlarımıza və həmçinin düşmənlərimizə mesajlar verir. Ali Baş Komandanın çıxışlarını dinləyən dostlarımız və düşmənlərimiz öz nəsibini alır, eləcədə Azərbaycanın əsl Yenilməz Ordusunun rəşadətindən xəbərdar olurlar.
Yaşasın Azərbaycanın Yenilməz Ordusu və onun Ali Baş Komandanı.
Hikmət Xəlilov,
Masallı rayon sakini
Xəbərdən istifadə edərkən istinad etmək vacibdir.
