"Krım, Ukraynanın şərqindəki vəziyyət və Rusiyadakı iqtisadi böhran rəsmi Moskvanı çətin vəziyyətdə qoyub və Dnesteryanı Respublika Rusiya üçün indiki vaxtda artıq yükdür”.
Bu açıqlama ilə Moldovanın Rusiyadakı keçmiş səfiri Anatol Tsaranu çıxış edib. O, Rusiyanın tanınmamış Dnesteryanı Respublika ilə bağlı mövqeyini dəyişdiyini bildirib:
"Hazırda tanınmayan Dnesteryanı (Dnesteryanı Moldov Respublikası) Respublikadan narahatlıq siqnalları gəlir. Rəsmi Moskva respublikaya iqtisadi yardımı davam etdirmək istəmir. Respublikanın büdcəsində 100 milyon dollar kəsr var və qondarma rəhbərlik bu kəsri bağlamaq üçün pulları ənənəvi olaraq Moskvadan almağı planlaşdırırdı. Lakin Rusiya öz iqtisadi çətinlikləri olduğunu əsas gətirərək onlara yox cavabı verib. Hazırda Tiraspolun qaza görə Moskvaya 5 milyard dollar borcu var. Moskva Balkanlar yolunda dayanacaq olaraq gördüyü Dnesteryanı Respublika ilə bağlı planlarını çox güman ki, dəyişdirib və indi bu mövqeyi Krıma yönləndirib. Krım, Ukraynanın şərqindəki vəziyyət və Rusiyadakı iqtisadi böhran rəsmi Moskvanı çətin vəziyyətdə qoyub və Dnesteryanı Respublika Rusiya üçün indiki vaxtda artıq yükdür. Rusiya Krımın ilhaqının tanınması qarşılığında Dnesteryanıdan imtina etməyə hazırdır”.
Qeyd edək ki, paytaxtı Tiraspol olan Dnesteryanı Moldov Respublikası 1991-ci ildə müstəqilliyini elan edib və 500 mindən çox əhalisi var. BMT-yə üzv olan heç bir dövlət respublikanın müstəqilliyini tanımayıb. (axar.az)
Xəbərdən istifadə edərkən istinad etmək vacibdir.
