Azərbaycan Prezientinin BMT Baş Assambleyasındakı çıxışı, həm koronavirusa qarşı mübarizədə ölkəmizin gördüyü işlərin dünya ictimaiyyətinə çatdırılması, həm də beynəlxalq aləmin bu pandemiya qarşı mübarizədə beynəlxalq səfərbərliyinin yaradılması baxımından diqqətə layiq idi.
Xeberle.com xəbər verir ki, bunu "olkə.az”a açıqlamasında Milli Məclisin Səhiyyə komitəsinin üzvü Müşfiq Məmmədli deyib.
Onun sözlərinə görə, Prezident çıxışında dünya birliyinə koronavirusla mübarizədə Azərbaycanın qazandığı uğurlar və vaksinasiya prosesinin sürətlə həyata keçirilməsini diqqətə çatdırdı. "Cənab Prezident bildirdi ki, Azərbaycanda təkcə koronavirusa qarşı deyil, pandemiyanın cəmiyyətə , iqtisadiyyata vurduğu ziyanın aradan qaldırılması baxımından kompleks addımlar ataraq, bu məqsədə 2,7 mlrd dollar vəsait ayrıldığını sessiya iştirakçılarının diqqətinə çatdırdı”- deputat qeyd edib.
O əlavə edib ki, Azərbaycan pandemiya dövründə koronavorusa qarşı mübarizədə fəaliyyətini ölkə daxili ilə bitirməyərək, daha effektiv mübarizəni təmin etmək üçün aktiv formada beynəlxalq müstəvidə fəaliyyət göstərib: "Bu məqsədlə Türk Şurasının, Qoşulmama Hərəkatının, BMT-nin xüsusi sessiyasnın keçirilməsinə nail olmaqla yanaşı, ÜST-ə 10 mln dollar və daha 30 ölkəyə birbaşa yardım edib. 4 ölkəyə isə 150 min dozada vaksin göndərib”.
Deputat onu da əlavə edib ki, ən diqqət çəkən məqamlardan biri də vaksin ədalətsiliyi və "vaksin millətçiliyi”nə qarşı kəskin mövqe sərgiləməsi olub. Cənab Prezident "vaksin millətçiliyi” tendensiaysının aradan qaldırıb, bu məsələdə ədalətin bərqərar olmasının təmin edilməsi barədə təklifi təqdir olunur. Cənab Prezidentin bu qətiyyətli mövqeyini dünya ölkələri alqışlayır. Bu bir daha Azərbaycan Prezidentinin qlobal problemlərə olan münasibətinin göstəricisi kimi qiymətləndirilir. Çünki bu gün mövcud vaksin dozalarının 75 faizi 10 inkişaf etmiş ölkə tərəfindən əldə edilib ki, bu həm də bütüm ölkələrin vaksin əlçatanlığının olmamasının göstəricidir. Cəmi 2 faiz vaksin inkişaf etməmiş və az inkişafda etməkdə olan ölkələrin payında düşür ki, bu da çox qorxunc rəqəmdir. Azərbaycan Prezidenti bu məsələdə bərabərliyin təmin olunmasının tərəfdarıdır.
Digər tərəfdən isə Azərbaycanın pandemiya və postpandemiya dövrü ilə bağlı konkret təkliflər səsləndirib ki, bu da dünya ictinmaiyyəti tərəfindən çox yüksək dəyərləndirilir. Azərbaycanın bu addımı beynəlxalq aləm və Ümumdünya Səhiyyə Təşkilatı tərəfindən yüksək qiymətləndirilir”
Xəbərdən istifadə edərkən istinad etmək vacibdir.
