Mayın 28-i Müstəqillik Günü elan ediləcək.
Xeberle.com-un APA-ya istinadən məlumatına görə, bu, Milli Məclisin Hüquq siyasəti və dövlət quruculuğu komitəsinin bu gün keçiriləcək iclasının gündəliyinə daxil edilən "Müstəqillik Günü haqqında” qanun layihəsində əksini tapıb.
Qanun layihəsinə əsasən, oktyabrın 18-i Müstəqilliyin bərpası Günü elan ediləcək. Eyni zamanda Müstəqillik Günü və Müstəqilliyin bərpası Günü hər il bayram kimi qeyd ediləcək.
Qeyd edək ki, indiyə qədər mayın 28-i Respublika günü və oktyabrın 18-i Dövlət Müstəqilliyi Günü kimi qeyd olunurdu.
Xəbərdən istifadə edərkən istinad etmək vacibdir.
