"Qlobal böhrandan uğurla çıxan bir ölkə olaraq hədəflərimizə hər keçən gün daha da yaxınlaşırıq".
Xeberle.com xəbər verir ki, bunu Prezident Rəcəb Tayyib Ərdoğan Türkiyə Cümhuriyyətinin qurucusu Mustafa Kamal Atatürkün anım mərasimindəki çıxışı zamanı bildiib.
Prezidentin açıqlamasından diqqət çəkən bir sıra məqamlar var.
O, siyasi və iqtisadi gücü ilə dünyanın birinci liqasında iddialı bir Türkiyə qurmaq üçün çalışdıqlarını vurğulayıb.
"Təbii ki, Atatürkü anmaq vacibdir, amma əsas məsələ Atatürkü onun mübarizəsinin izlərini davam etdirərək, bu mücadilənin arxasında duran səbəbləri düzgün müəyyənləşdirərək anlamaqdır. Bizdə hər zaman Atatürkün adını öz dilindən salmayan, ancaq onu anlamaq üçün zərrə qədər səy göstərməyən bir kəsim olub. Mustafa Kamal 1905-ci ildə kapitan rütbəsi ilə Dəməşqdə 5-ci Orduda xidmətə başladı. 1908-ci ildə Liviyaya ilk missiyasına getdi. 1910-cu ildə Fransa, İsveçrə, Belçika və Hollandiyaya səfər etdi. İtalyanların Liviyaya hücumundan sonra o, 1911-ci ildə mayor rütbəsi ilə Tripoliyə gedərək, gözündən və qolundan yaralanıb tarixi mübarizə apardı. 1915-ci ilin sonunda İstanbula qayıtdı”.
Ərdoğan bildirib ki, bugünkü hökumət Atatürkün qurduğu Türkiyəni dünyanın ən sivil dövlətləri səviyyəsinə qaldırmağa, millətinə ən yaxşı rifah yaratmağa çalışır.
"Mustafa Kamal Liviyada, Suriyada, Çanaqqalada, Qafqazda sərhədlərimizdədir, Anadolunun hər qarışındadır. Bizə deyirlər ki, Azərbaycanda, Suriyada nə işiniz var? Bəs siz Atatürk yolu ilə gedirdiniz?! Görünür, dürüst deyillər. Türkiyə bu gün də Suriyadadır, Liviyadadır, Qafqazdadır”.
Xəbərdən istifadə edərkən istinad etmək vacibdir.
