"Bu, azadlıq dəhlizidir”.
Azərbaycan ABŞ prezidenti Barak Obamanın administrasiyasını Avrasiyaya dair daha dəqiq uzunmüddətli geosiyasi strategiyanı hazırlamağa çağırıb və Vaşinqtonun bu regionda nüfuzunun itməsinin mümkünlüyü barədə xəbərdarlıq edib, The Washington Times yazıb.
Qəzet xatırladır ki, Azərbaycan şimalda Rusiya, cənubda İran, şərqdə isə Xəzər dənizi ilə əhatə olunmuş böyük sovet respublikasıdır. 
Nəşr qeyd edib ki, bu ölkə "Cənub qaz dəhlizi” layihəsində iştirak edir.
Qəzetdə qeyd olunub ki, bu boru kəmərinin keçdiyi bu ölkədə Dağlıq Qarabağ regionu çərçivəsində Azərbaycan və qonşu Ermənistan arasında təmas xəttində atəşkəs rejiminin pozulması halları son zamanlar daha tez-tez olur, baxmayaraq ki, bu münaqişə Ukrayna böhranının kölgəsində qalır. Qərb ölkələri hər iki tərəfi Rusiya, Türkiyə və İran kimi iri ölkələrin də sürüklənə biləcəyi və "Cənubi qaz dəhlizi”nin genişlənməsinə mane ola biləcək münaqişənin dinc yol ilə həllinə nail olmağa çağırıb. 
"Ona görə də biz ABŞ-ın bu dəhlizə daha strateji yanaşmasının labüdlüyündən danışırıq”.
"Bu, qaz və ya neft dəhlizi deyil, bu, azadlıq dəhlizidir”, - Azərbaycan parlamentinin beynəlxalq münasibətlər üzrə komitənin rəhbəri Səməd Seyidov The Washington Times-ın keçirdiyi forumda bildirib.
Azərbaycanın ABŞ-dakı səfiri Elin Süleymanov öz növbəsində bildirib ki, Vaşinqtonun ümumi strategiyası olmadan regionda mahiyyətcə daha kiçik problemlərin həllinə səy göstərməyi nahaqdır.
"Əgər sizin immunitetiniz yoxdursa, siz qızılca və ya başqa xəstəliyə yoluxursunuz. Bu strateji perspektiv immun sistemidir. Əgər o yoxdursa, bu kiçik şeylər meydana gəlir”, - Süleymanov qeyd edib.
Seyidovun sözlərinə görə, amerikalılar vacib regional müttəfiqlərini itirə bilərlər.
"Təəssüf ki, bu gün Amerika strateji miqyasda keçmişlə müqayisədə, daha az sayda dosta malikdir. Ona görə də biz ABŞ-ı regiona daha çox diqqət yetirməyə, regiona daha çox strateji yanaşmaya çağırırıq”-, Seyidov bəyan edib.
Eyni zamanda Krımda inqilabçıları dəstəklədiyi üçün ABŞ Rusiyaya qarşı sanksiyaların tətbiqinə davam edir, Seyidov və digərləri qərb qüvvələrinin regionda sülhə nail olmaq üçün eyni qaydaları Ermənistana qarşı da tətbiq etməli olduqlarını söyləyirlər.  
Azərbaycan Ermənistanı onun sərhədlərini pozmaqda ittiham edir və eyni sanksiyaların ona qarşı da tətbiq edilməsini istəyir.
"Təəssüf ki, qərb dünyası, əsasən də Avropa ölkələri hələ də ikili standartların tətbiqini təcrübədən keçirirlər. Mən oxşar problemlərə müxtəlif yanaşmaların tətbiqini deyirəm. Ermənistana qarşı heç kim sanksiya tətbiq etmək barədə düşünmür, halbuki o da qonşu ölkəyə qarşı eyni cinayəti işləyib”-, Seyidov deyib.
Onun sözlərinə görə əgər qərb ölkələrin məhz hansıları bu beynəlxalq hüquqa riayət etməli olduqların seçməkdə davam etsəydi, aqressor bu qanunları çəkinmədən poza bilərdi.
"Əgər biz dünyada münasibətlərin normallaşmasını planlayırıqsa, beynəlxalq hüququ bərpa etməliyik. Biz bu tədbirləri bu cür hərəkət edənlərə qarşı tətbiq etməliyik. Bunun Ermənistan və Rusiya olması əsas deyil”-, Seyidov deyib.
Süleymanov və Seyidov vurğulayıblar ki, ABŞ-a regionda yenidən sığortalanma lazımdır, və ABŞ Ermənistana qarşı müharibədə yardımı təmin edə bilər.
"Əsas məsələ ABŞ-ın öz dostlarına qarşı loyal davranmasıdır. Əgər onlarla işləyirsə o əməkdaşlığı gücləndirir. Daha sonra onlar özlərini mühafizə olunmuş hiss edirlər, diskussiya və münaqişələr isə daha dinc yolla həll edilir”, - səfir Elin Süleymanov bildirib.
Səməd Seyidov eləcə də deyib ki, strateji nöqteyi-nəzərdən ABŞ-ın regionda əvvəlkindən daha az dostu var.
"Ona görə də biz ABŞ-ı regiona daha çox diqqət yetirməyə, regiona daha çox strateji yanaşmaya çağırırıq”, - o vurğulayıb. (oxu.az)