Qərbi Azərbaycan İcmasının Sumqayıt üzrə fəalı Yavər Quliyev "5 dekabr – deportasiyanın anım günü” adlı tədbirdə iştirak edib. Tam 33 il bundan əvvəl Azərbaycanlılar Ermənistan ərazisində yerləşən qədim ata-baba yurdlarından sonuncu dəfə deportasiya olunmuşdurlar.
Bu haqda Report məlumat yayıb.
Azərbaycan Qaçqınlar Cəmiyyəti və Qərbi Azərbaycan İcmasının təşkilatçılığı ilə baş tutan toplantıya Milli Məclisin deputatları, alimlər, İcmanın üzvləri, sədrləri və xaricdəki nümayəndələr qatılıblar.
Tədbirdə çıxış edən İcma sədri, deputat Əziz Ələkbərli xatıladıb ki, bu gün 33 il əvvəl Ermənistanda Qarabağ uğrunda ermənilərə qarşı ayağa qalxan və mitinqlər keçirən insanların deportasiyasının anım günüdür.
Daha sonra o, erməni vəhşiliyinin sübutu olan bəzi rəqəmləri xatırladıb:
300-ə yaxın yaşayış məntəqəsindən 50 mindən artıq ailədən 300 minə yaxın soydaşımız zorla qovulub;
200-dən artıq soydaşımız vəhşicəsinə qətlə yetirilib, 400 nəfərdən artıq insan yaralanıb;
bir çoxlarının evləri, əmlakları yandırılıb, yandırılmayanlar ermənilər tərəfindən əvəzi ödənilmədən qəsb edilib;
fərdi və ictimai təsərrüfatlarda yüz minlərlə ev və təsərrüfat heyvanı, fərdi, ictimai və inzibati binalar, kənd təsərrüfatı texnikası, məktəblər, kitabxanalar və mədəniyyət evləri ermənilərə qalıb;
300-dən artıq məscid, ocaq, ziyarətgah, 500-dən artıq qəbiristanlıq yer üzündən silinib;
saysız-hesabsız tarixi abidələrimiz bu gün üçün ya erməniləşdirilib, ya da məhv edilib.
hesablamalara görə, 1988-ci ildə Ermənistandan qovulan qaçqınlara dəyən ümumi maddi ziyan 20 milyard ABŞ dollarından artıq təşkil edir ki, beynəlxalq qiymətləndirmə standartlarına görə 33 ildən sonra bu gün bu rəqəm 1 trilyon ABŞ dollarına çatmaqdadır.
Daha sonra çıxış edən Yavər Quliyev və digər iştirakçılar 1988-ci il deportasiyası ilə bağlı xatirə və düşüncələrini bölüşüblər.
Xəbərdən istifadə edərkən istinad etmək vacibdir.
