Gürcüstan "3+3” regional platformasının ilk iclasında iştirak etməyəcək.
Xeberle.com xəbər verir ki, bu barədə məlumatı ölkənin Xarici İşlər Nazirliyinə istinadən "Pirveli arxi” telekanalı yayıb.
"Biz bu formatda iştirak etməyi düşünmürük və buna görə də, Gürcüstan dekabrın 10-u keçiriləcək iclasa qatılmayacaq”, - deyə nazirlik vurğulayıb.
XİN rəsmi Tbilisinin artıq bir neçə dəfə bu məsələ ilə bağlı mövqeyini açıqlayıb.
Qeyd edək ki, "altılıq platforması”nın ("3+3” formatı) ilk iclası sabah Moskva şəhərində baş tutacaq.
Azərbaycan və Türkiyə Prezidentlərinin təşəbbüsü ilə yaradılan "3+3” formatı Azərbaycan, Gürcüstan, Ermənistan, Rusiya, İran və Türkiyənin iştirakını nəzərdə tutan əməkdaşlıq platformasıdır.
Xəbərdən istifadə edərkən istinad etmək vacibdir.
