Sarkisyanın cinayətkar olması və 20 yanvar faciəsi ilə bağlı petisiyanın gedişatı necə davam edir?

Tarix: 11-02-2015, 10:24 Oxunma sayı: 1 905 Bölmə: Siyasət

Azərbaycan Respublikasının Prezidenti yanında QHT-lərə Dövlət Dəstəyi Şurası tərəfindən yaradılan 20 Yanvar və Serj Sarkisyanın müharibə cinayətkarı kimi tanınması üçün petisiyalar təşkil edən İşçi Qrup fəaliyyətə başladıqdan və 2 petisiyaya start verildiyi vaxtdan əsasən beynəlxalq gənclər təşkilatlarına (IPYG), platformalarına, eləcədə xarici ölkələrin (30-a yaxın ölkə) QHT və gənclər təşkilatlarına petisiyalar haqqında ingilis, rus dillərində və bir çox hallarda o ölkələrin öz dillərinə (türk, alman, boşnak, moldovan dilləri) tərcümə olunmaqla petisiyalar, onlara qoşulmaq, dəstək vermək və yaymaq haqqında geniş informasiyalar göndərilmişdir. Xarici ölkələrdən olan tərəfdaşlarımız əsasən avropalı həmkarları ilə layihə və əməkdaşlıq quplarında olduqları facebook, twitter, e-mail qrup və şəbəkələrdə petisiya haqqında məlumatları paylaşmışlar və bu paylaşmalar bu gün də davam etməkdədir.

Bu sırada Türkiyə, Bosniya və Herseqovina, İsrail, Ukrayna, Moldova, Rumıniya, Bolqarıstan, Almaniya, Gürcüstan və digər ölkələrdən olan həmkarlarımız və tərəfdaşlarımız fəallıq edirlər. Xarici ölkələrdə təhsil alan tələbələrimizə (bu sırada Türkyə və Almaniyadıkı tələbələrimiz və onların təşkilat və şəbəkələri daha fəaldırlar), onların qruplarına, şəbəkələrinə və təşkilatlarına da petisiyalara çağırışlar göndərilmişdir.

Xarici ölkələrdən olan tərəfdaşları petisiyaya cəlb etmək sahəsində çətinliklər sırasında, Sarkisyanın hərbi cinayətkar kimi olması ilə bağlı imzaya dəvət edilərkən bəzi xaricilərin bu mövzunun siyasi məsələ olması, iki ölkə arasında həll edilməli olduğunu bəhanə etmələri işin gedişatına və yayımına təsir edir. Bu sırada bir məsələni qeyd etmək istərdim.

Facebook-da çoxsaylı avropalı gənclərin əməkdaşlıq və layihə tərəfdaşlığı qrup və səhifələrində petisiya haqqında məlumatlar yerləşdirilərkən dərhal ermənilər və onların havadarları vasitəsilə qrup və səhifələrin adminlərinə şikayət edilir, bu qrup və səhiflərin siyasi mövzulu deyil, yalnız layihə və əməkdaşlıq şəbəkələri olduğu qeyd edilir və admin tərəfindən məlumatlarımız silinir və bunların paylanmaması, əks halda qrup və səhifədən uzaqlaşdırılmaq bildirilir.

Bunlardan başqa Azərbaycan Demokratik Tələbə Gənclər Təşkilatı (ADTGT) üzvlərini, sosial şəbəkə və qruplardakı tərəfdarlarını və izləyicilərini petisiyalara cəlb etmiş, təşkilatın səhifə və qruplarında paylaşımaları yaymaqdadır. Bu müddətdə "gundelik teleqraf”, "palitranews”, "xeberle.com” qəzet və xəbər portallarına petisiyalarla bağlı açıqlama-müsahibələr verilmişdir.

Petisiyalar göndərilmiş və yayılmış qrup və səhiflərin linklərini də əlavə edirəm. Eyni zamanda bir çox tanınmış xarici tərəfdaş şəxslərin adlı siyahısını da hesabata qoşuram.

https://www.facebook.com/groups/erasmusplus.partners/