NATO-da üzv ölkələr arasında Ukraynaya əlavə silah tədarükü, həmçinin Rusiya prezidenti Vladimir Putinlə danışıqların aparılması zərurəti ilə bağlı fikir ayrılığı mövcuddur.
Xeberle.com xəbər verir ki, bu barədə mənbələrə istinadən "Bloomberg” məlumat yayıb.
Qeyd olunub ki, Fransa və Almaniya Rusiyaya qarşı tələsik addım atmamaq barədə xəbərdarlıq edir və vurğulayırlar ki, hazırda ən yüksək prioritet atəşkəsdir - bu səbəbdən vəziyyəti nə sözlə, nə də əməllə gərginləşdirmək olar. Bu mövqeyi dəstəkləyən Almaniya hökuməti daha əvvəl bəyan etmişdi ki, Moskva ilə Şimali Atlantika alyansı arasında mümkün əlaqələrin kəsilməsini, ilk növbədə, Rusiya-NATO-nun təsis aktının ləğvini nəzərdən keçirmir.
Alyansın digər üzv ölkələri, agentliyin əldə etdiyi sənədlərə əsasən, hesab edirlər ki, Paris və Berlinin Moskva ilə dialoq əks-məhsuldardır və Rusiya tərəfi üstünlük qazana bilər.
Beləliklə, Böyük Britaniya, Polşa, Mərkəzi və Şərqi Avropanın digər dövlətləri Rusiya tərəfinin irəli sürdüyü şərtlərlə danışıqlara şübhə ilə yanaşırlar. Onların fikrincə, Rusiya qoşunları tamamilə çıxarılmadan Ukraynanı sülh sazişini qəbul etməyə sövq edənlər Rusiyanın tərəfindədir.
Fikir ayrılığının başqa bir səbəbi isə Ukraynaya əlavə silah tədarükünün zəruriliyi ilə bağlıdır. Agentlik mənbələrinin məlumatına görə, Baltikyanı ölkələr, Şərqi Avropa və Böyük Britaniyanın liderləri Alyans müttəfiqlərini Kiyevə daha çox silah, o cümlədən hava hücumundan müdafiə sistemləri göndərməyə çağırıblar.
Xəbərdən istifadə edərkən istinad etmək vacibdir.
