Azərbaycan Hərbi Hava Qüvvələrinin xaricdə qatıldığı ilk manevr olan "TURAZ Şahini 2015” Türkiyənin Konya şəhərində başlayıb. Türkiyənin təlimlərdə F-16, F-4E 2020, E-7T (HİK) qırıcıları və AS-532, UH-1H vertolyotu iştirak edir. Azərbaycan Hərbi Hava Qüvvələri isə MİQ-29, SU-25 təyyarələri və MI-17 vertolyotu ilə təlimlərə qatılıb. 106 hərbçimizin iştirak etdiyi təlimdə əsas məqsəd iki ölkə arasında qarşılıqlı uçuş təhsilinin səviyyəsinin yüksəldilməsidir. Qeyd edək ki, Azərbaycan Hava qüvvələrinə aid təyyarələr ilk dəfə Türkiyədə təlimlərə qatılıb. Təlimlər aprelin 2-ə qədər davam edəcək. (Axar.az)
Xəbərdən istifadə edərkən istinad etmək vacibdir.