Avqustun 13-də Mərkəzi Komanda
Məntəqəsində müdafiə naziri general-polkovnik Zakir Həsənovun rəhbərliyi
ilə nazir müavinləri, qoşun növləri komandanları, nazirliyin baş idarə,
idarə və xidmət rəisləri, eləcə də videobağlantı vasitəsilə azad edilən
ərazilərdə dislokasiya olunan hərbi birlik və birləşmə komandirlərinin
də cəlb olunması ilə xidməti müşavirə keçirilib.
Müdafiə Nazirliyindən Xeberle.com-a
bildirilib ki, Müdafiə naziri Azərbaycan Respublikasının Prezidenti,
Silahlı Qüvvələrin Ali Baş Komandanı cənab İlham Əliyevin Azərbaycan
Ordusu qarşısında qoyduğu vəzifələri, həmçinin döyüş hazırlığının daima
yüksək səviyyədə saxlanılması ilə bağlı tələb və tapşırıqlarını müşavirə
iştirakçılarının diqqətinə çatdırıb.
Xəbərdən istifadə edərkən istinad etmək vacibdir.
