Qazaxıstan Respublikasının ölkəmizdəki səfiri Serjan Abdıkarimov Sumqayıt şəhər Heydər Əliyev Mərkəzini ziyarət edib.
Xeberle.com xəbər verir ki, Heydər Əliyev Mərkəzinin əməkdaşı tərəfindən qonağa məlumat verilib ki, Mərkəz Azərbaycan xalqının ümummilli lideri Heydər Əliyev irsinin tədqiqi və təbliği, ölkəmizin tarixi və mədəniyyətinin, milli-mənəvi sərvətlərinin beynəlxalq aləmdə tanıdılması, eləcə də dünya mədəniyyəti nümunələrinin respublikamızda tanıdılması istiqamətində fəaliyyət göstərir.
Qeyd edək ki, üç mərtəbədən ibarət Muzeydə ümummilli lider Heydər Əliyevin həyat yolu, Ulu Öndər barədə maraqlı faktlar foto və videomateriallar vasitəsilə təqdim olunur.
Sonda ekskursiyanın maarifləndirici keçdiyini qeyd edən səfir əhatəli tura və bələdçi xidmətinə görə təşəkkürünü bildirib və mərkəzin kitabxanasına Qazaxıstanın antropologiyası haqqında kitab hədiyyə edib.
Xəbərdən istifadə edərkən istinad etmək vacibdir.
