Xeberle.com xəbər verir ki, öncə Azərbaycan Respublikasının Dövlət Himni səsləndirilib, Vətən uğrunda canlarından keçən şəhidlərin əziz xatirəsi bir dəqiqəlik sükutla yad edilib. Tədbirin aparıcısı - muzeyin əməkdaşı Zülfiyyə Fətəliyeva şəhidin həyatı, döyüş yolu haqqında məlumat verdikdən sonra, şəhid Ceyhun Kərimova həsr olunmuş videoçarx təqdim edilib. Daha sonra tədbir bədii hissə ilə davam edib. Vətən və şəhidlərə həsr olunmuş milli ruhda şeirlər, mahnılar, Qubadlı rayon Xıdırlı kənd orta məktəbinin balaca fidanlarının hazırladıqları kompozisiya təqdim edilib. Anım tədbirində çıxış edən Sumqayıt Cümə Məscidinin axundu Hacı Rauf Sərdarov, Abşeron - Xızı Regional Mədəniyyət İdarəsinin məsləhətçisi Bayram Cəfərli, Azərbaycan Dövlət Neft və Sənaye Universitetinin Kimya Texnologiya fakültəsinin dekanı Sevinc Məmmədxanova, Azərbaycan Dillər Universitetinin ingilis dili müəlliməsi, Azərbaycan Qadın və İnkişaf Mərkəzi Cəmiyyətinin üzvü Gözəl Məmmədova, Ailə, Qadın, Uşaq Dövlət Komitəsi yanında İctimai Şurasının Şəhidlər Bölməsinin rəhbəri Arzu Əliyeva, Almaniya Medina Dərnəyinin Azərbaycan üzrə Şəhid Ailələri Qruplarının baş inzibatçısı Əziz Əzizov, Azərbaycan Yazıçılar Birliyinin üzvü Raziyə Kamilqızı, şairə Lilpar Cəmşid qızı Müzəffər Ali Baş Komandan İlham Əliyevin rəhbərliyi ilə 44 günlük Vətən Müharibəsində qəhrəman oğullarımızın şəhidlərimizin intiqamını aldığını və 30 il həsrətində olduğu Qarabağ torpaqlarında Azərbaycan Bayrağını sancdıqlarını vurğulayıblar.