Sumqayıtda bina ucmaq təhlükəsi ilə üzləşib.
Xeberle.com xəbər verir ki, şəhərin Kimyaçılar yaşayış massivi, Səməd Vurğun küçəsi ev 24/3-də Şüşə zavodunun balansında olan 1 saylı yataqxanada hazırda bərbad vəziyyətdədir. Sözgedən binada 50 ailə yaşayır.
1950-ci ildə tikilərək istifadəyə verilən binada yaşamaq olduqca çətinləşib.
Sakinlərin sözlərinə görə, yataqxana binasında onlar üçün ciddi təhlükə var. Yuxarı mərtəbədə qalanlar hər gün pilləkənlərdən qorxa-qorxa düşürlər.
Mövcud məsələdən aidiyyatı qurumlarda xəbərdardır. Sumqayıt şəhər İcra hakimiyyətindən bildirilib ki, Kimyaçılar qəsəbəsi ərazisində Şüşə zavodunun balasında olan 1 saylı yataqxana binasının sökülməsi tədbirlər planına salınıb. Gələcəkdə həmin yataqxana sökülərək yerində müasir yaşayış kompleksi inşa ediləcək.
Xəbərdən istifadə edərkən istinad etmək vacibdir.
