Sumqayıt şəhərində kanalizasiya sistemi tutulub, ərazi su altında qalıb.
Söhbət 76-cı məhəllə, Sülh küçəsindən gedir. Ərazidə yaşayan sakinlər Xeberle.com-a müraciət edərək bildiriblər ki, ümumi kanalizasiya xəttinin tutulması səbəbindən ərazi su altında qalıb.
Ərazini su ilə dolması səbəbindən evindən çıxmağa çəktinlik çəkən Miranov Orxan Həsənağa oğlu saytımıza bildirib ki, bu küçənin sakinləri buradan keçən kanalizasiya axıntılarının yaratdığı problemlərdən əziyyət çəkirlər.
Hər yer su içində olduğundan sakinlərin gediş-gəlişi üçün maneə yaranıb. Çirkab suları küçə boyunca axır. Ərazini üfunət iyi bürüyüb. Ərazidə yaşayanlar borunun təmir olunmasını istəyirlər.
Sakinlər, epidemioloji-gigiyenik qaydaların pozularaq, müxtəlif xəstəliklərin yaranmasından narahatdırlar.
Qeyd: Mövzunu davam etdirəcəyik.
Elşən Yəhyayev
Xəbərdən istifadə edərkən istinad etmək vacibdir.
