Sumqayıt şəhərinin "Qurd dərəsi” yaşayış massivinin M.S.Ordubadi küçəsinin yolları bərbad vəziyyətdədir.
Xeberle.com-a müraciət edən sakinlər deyirlər ki, yayda toz-dumandan, qışda isə palçıqdan bu yollar keçilməz halda olur. Bu küçənin sakinləri illərdir normal yol sarıdan çətinlik çəkirlər. Onların sözlərinə görə, sözügedən küçə aidiyyəti qurumlar tərəfindən unudulub.
Onu da vurğulayaq ki, bu yoldan 27 nömrəli marşrut avtobusu hərəkət edir. Ərazidən tez-tez istifadə edən sürücülərin sözlərinə görə avtomobillərinin detalları tez-tez sıradan çıxır. Sakinlər iddia edirlər ki, müvafiq qurumlara dəfələrlə məlumat versələr də, nəticəsi yoxdur.
Qeyd edək ki, Sumqayıt şəhəri ərazisində avtomobil yollarının əsaslı təmiri ilə bağlı təmir-tikinti işlərinə başlanılıb. Ümid edirik ki, şəhər rəhbərliyi sakinlərin da müraciətini nəzərə alacaq və sözügedən yaşayış massivinin yolları bərpa ediləcək.
Mövzunu davam etdirəcəyik.
Elşən Yəhyayev
Xəbərdən istifadə edərkən istinad etmək vacibdir.
