Bu gün Sumqayıtda ümummilli lider Heydər Əliyevin anadan olmasının 92-ci ildönümünə həsr olunmuş ənənəvi VII Kitab bayramı keçirilir. Tədbirin keçirilməsində əsas məqsəd gəncləri, yeniyetmələri mütaliəyə cəlb etmək, kitaba marağı artırmaq, onları maarifləndirməkdir.
Sumqayıt şəhər Mərkəzləşdirilmiş Kitabxana Sisteminə daxil kitabxanalar kitabsevərlər qarşısında "Milli dövlətçiliyimizin memarı”, "Böyük yolun davamçısı”, "Heydər Əliyev Fondunun nəşrləri”, "Heydər Əliyev və Azərbaycan tarixi”, "I Avropa oyunları”, "Şəhərimizin ilk jurnalı”, "Uşaq ədəbiyyatı” və digər başlıqlarla 15-dan çox sərgi nümayiş etdirilir. Həmçinin, kitabxanalar tərəfindən Azərbaycan və dünya ədəbiyyatı nümayəndələrinin 1000 artıq çap və elektron nəşrləri təbliğ edilir.
Sumqayıt şəhər Təhsil Şöbəsi və Sumqayıt şəhər Səhiyyə Şöbəsi də bayram tədbirinə öz sərgiləri ilə qatılıb.
Kitab bayramında həmçinin, "Sumqayıt” kitab evi, "Məktəbli” kitab evi, "Zəka” kitab evi, NT kitab mağazası, "Parlaq imzalar” nəşriyyat evi, "Bukinist” kitab mağazası”, "Hədəf” nəşriyyatı, "Qanun” nəşriyyatı, "Zərdabi” nəşriyyatı, "Akademkitab” mağazası, "Azəri” kitab mağazası, "Kitablar aləmi”, "Altun Kitab” MMC kitab mağazası, "Qələm nəşriyyatı”, "Azəri” poliqrafiya nəşriyyatı, "Qədim qala” nəşriyyat evi, Kitabevim.az kitab mağazası, Xan nəşriyyat evi də öz sərgiləri ilə iştirak edir və kitab satışı təşkil olunub.
Sərgilərdə 10000-ə yaxın ədəbiyyatın nümayişi və satışı nəzərdə tutulub.
Xeberle.com
Foto: Ceyhun Məmmədov