Bakının hər yerində yeraltı keçid görmək mümkündür. Ancaq ölkənin üçüncü böyük şəhəri Sumqayıt bu cür infrastruktur baxımından çox kasıbdır. Bu şəhərdə bir dənə də olsun yeraltı keçid yoxdur.

Yaxın zamanlarda Gənclər şəhərinin bu kiçik "qüsuru” aradan qalxacaq. Şəhərdə ilk yeraltı keçid tikiləcək. Keçid Sumqayıtın dəmir yolu stansiyasında inşa edilir. Bu keçid sərnişinlərin bir estakadadan başqasına təhlükəsiz şəkildə keçməsi üçündür.

Xatırladaq ki, hazırda Bakı və Sumqayıt arasında müasir dövrün tələbələrinə cavab verən elektrik qatarlarının işə salınması üçün hazırlıq işləri görülür. Bakı ilə Sumqayıt arasında uzunluğu 63 kilometr olan dəmir yolu xəttinin 52 kilometri artıq təmir olunub. Qalan hissənin isə qısa zaman içində təmir edilməsi və istifadəyə verilməsi gözlənilir.

Bununla əlaqədar Sumqayıt stansiyasında müəyyən işlər görülür. Stansiyadakı estakadalar müasir dövrün tələblərinə uyğun təmir edilir/milli.az/.