Sumqayıt şəhər İcra hakimiyyəti tərəfindən Milli Qurtuluş Günü münasibətilə konsert təşkil edilib.
Konsert proqramında ölkənin tanınmış sənət adamları və muğam ifaçıları sumqayıtlıların qonağı olublar. Bayram tədbirində Sumqayıt şəhər İcra hakimiyyətinin başçısı Zakir Fərəcov, millət vəkilləri, ictimaiyyət nümayəndələri və şəhər sakinləri iştirak ediblər.
Şəhərin Kimyaçılar sarayının qarşısında olan meydanda  açıq  havada təşkil olunan konsertdən əvvəl 15 İyun - Milli Qurtuluş Gününün tarixi məqamlarına nəzər salınıb.
Bildirilib ki, siyasi, iqtisadi və sosial böhran, Azərbaycanın vətəndaş müharibəsi ilə üzləşdiyi bir dövrdə ümummilli lider Heydər Əliyevin xalqın təkidli tələbi ilə hakimiyyətə gəldiyi gün – 1993-cü ilin 15 iyunu tariximizə Milli Qurtuluş Günü kimi daxil olub.

Xəbərdən istifadə edərkən istinad etmək vacibdir.