Sumqayıt şəhərində səhər saat 8:00-dan axşam saat 21:00 – dək ağır çəkili avtomobillərin hərəkətinə məhdudiyyətlər qoyulub.
Fiziki və hüquqi şəxslərin nəzərə çatdırılır ki, Sumqayıt şəhərinin inzibati ərazisində yük avtomobillərin hərəkətinə yalnız icazə verilmiş küçə və prospektlər üzrə axşam saat 21:00-dan səhər saat 8:00-dək icazə verilir.
Bu tipli avtomobillərin hərəkəti göstərilən saatlar üzrə tənzimlənir. Ona görə də Sumqayıt şəhər Polis İdarəsi Dövlət Yol Polisi Şöbəsi sürücülərin nəzərinə çatdırır ki, səhər saat 8:00-dan axşam saat 21:00-dək qeyd edilən avtomobillərin şəhərin inzibati ərazisində hərəkətinə məhdudiyyətlər qoyulacaq.
Xahiş edilir ki, gün ərzində şəhərdə hərəkətin təhlükəsizliyinin təmin edilməsi, rahat, fasiləsiz hərəkətin təşkili məqsədilə yük avtomobillərdən yalnız qeyd edilən vaxtda istifadə edilsin. Əks halda yol polisi tərəfindən qanunvercilikdə nəzərdə tutulmuş qaydada cəza tədbirləri görüləcək.
Xəbərdən istifadə edərkən istinad etmək vacibdir.
