Zenfira Mustafayeva
Hər gün işə gələndə və evə qayıdanda, avtomobillə şəhəri dövr etdikdə doğma şəhərimizin çiçəklənməsinin, yeni park və xiyabanların salındığının, evlərin fasad və dam örtüklərinin yenilənməsinin, insanların rahatlığı üçün məhəllələrdə yolların asfaltlandığının, uşaqların rahatlığı üçün hər cür şəraitin yaradıldığının şahidi oluram.
Mən hələ dənizkənarı parkı demirəm. Vaxt gələcək
bəlkə də bura dünyada analoqu olmayan istirahət mərkəzinə çevriləcək.
Şəhərimizdə aparılan bütün bu quruculuq işlərini
gördükcə fikirləşirsən ki, şəhər rəhbərliyinin
bir amalı var.
Hər şey insan naminə, hər şey insanlar üçün...
Bu şəhərdə böyümüş, təhsil almış, müxtəlif
sahələrdə fəaliyyət göstərib, Sumqayıtın
daha da çiçəklənməsinə az da olsa
tövhə vermişik.
Ötən əsrin 70-ci illərin sonları, 80-ci illərin
əvvəllərində şəhərimizin yaşıllığa çevrilməsinə çox böyük önəm verilirdi. O dövrlərdə mən Nəsimi adına Mədəniyyət və İstirahət Parkında yerləşən Sumqayıt Dövlət Rəsm Qalereyasında çalışırdım.
Hər gün səhər işə gələndə yolların su ilə yuyulmasının və bitkilərin sulanmasının şahidi olurdum.
Hər gün yeni gül kollarının, ağac və kol bitkilərinin əkilməsinin və
onlara məhəbbətlə qulluq edən Yaşıllaşdırma idarəsinin işçilərini görürdüm.
Şəhərin
o vaxtki rəhbəri mərhum Zülfü Hacıyev şəhərin gözəlliyinə və
yaşıllaşdırılmasına böyük önəm verirdi.
Hər gün səhər şəhəri piyada gəzər, xırda
çatışmazlıqlara belə diqqət yetirər, daim yenilik axtarışında
olardı. Nöqsanlarla bağlı işçilərə tövsiyələrini verərdi.
Biz bunu qalereyada təmir zamanı Zülfü müəllimin
hər gün ora gələrək işlə tanış
olmasında, tövsiyə və tapşırıqlar
verməsində görərdik.
Qalereyanın önündə canlı guşənin yaradılması
da məhz onun təşəbbüsü idi. Bu guşədə
dünyanın hər yerindən gətirilmiş bitkilər və bəzi heyvan növləri ilə zəngin idi. Gələn qonaqları bu guşə ilə sevə-sevə tanış edirdik. Onlar öz heyranlıqlarını gizlətmirdilər.
Sənaye
zavodlarının əhatəsində olan bir şəhərin
yaşıllığa bürünməsi onları heyran edirdi.
Şəhərin rəhbərləri dəyişdikcə Sumqayıta olan ögey
münasibət bu gözəlliyin tədricən məhvinə gətirib çıxardı.
Şəhər bütünlüklə daşlaşmağa başladı.
Bütün bunları bizlər ürək ağrısı ilə izləyirdik.
Boz daş karxanasına bənzəyən şəhərimizdə demək
olar ki, yaşıllıqdan əsər-əlamət qalmamışdı. Şəhərimizə Zakir Fərəcovun icra
başçısı təyin olunması lap ürəyimizcə
oldu. Bilirdik ki, bu şəhərin daş-kəsəyi ona doğmadır.
O da bizimlə bu şəhərdə çalışıb, təhsil alıb. Yanılmadıq. O, şəhərimizə yeni nəfəs verdi,
Sumqayıtı canlandırdı, hamıya sevinc bəxş etdi. Zülfü nəfəsini, Zülfü dəst-xəttini
şəhərimizə qaytardı.
Zakir müəllim, buna görə sizə minnətdarıq.
Xəbərdən istifadə edərkən istinad etmək vacibdir.
