Bu gün şəhərimizdə ali məktəbə imtahan zamanı ən çox bal toplamış  4 abituriyentin Sumqayıtda fəaliyyət göstərən "Unikal” klinikasında pulsuz tibbi müayinəsi təşkil olunub. Belə ki, müayinədə TTEL məzunu Elgün Cəfərov (696 bal), 34 saylı məktəbin məzunu Fidan İbrahimova (692 bal), TETG məzunları Səbuhi İmanlı (691 bal) və Könül Mehdiyeva (690 bal) iştirak ediblər. Tədbir "Unikal” klinikasının təşəbbüsü ilə gerçəkləşib. Abituriyentlərlə  ilə görüşən klinikanın baş həkimi Natəvan Abbasova ilk olaraq gəncləri təbrik etdi. Onlara tələbə həyatında uğurlar arzuladı. Abituriyentləri pulsuz müayinəsini təşkil etməkdən məmnun olduğunu deyən N.Abbasova gələcəkdə bu kimi tədbirlərin davamlı olacağını söylədi.
Sonra tələbə adını qazanmış gənclər terapevt müayinəsi, qanın ümumi analizi və göz müayinəsi  prosedurlarından keçiblər.
 

Xəbərdən istifadə edərkən istinad etmək vacibdir.