Yəqin ki, sumqayıtlıların bir qismi heç də şəhərdə yerləşən bütün idarə və təşkilatların yerini tanımır. 
Bunu nəzərə alaraq "Xeberle.com" "Şəhərimizin idarələrini tanıyaq" adlı yeni layihəyə start verir. Sumqayıtda yerləşən ən gizli, çətin tapılan, əsas küçəyə, yola qapalı olan idarə və müəssisələr haqda kiçik informativ materiallar təqdim edəcəyik.
İlk müəssisə Sumqayıt şəhər icra hakimiyyətinin "Lift-servis” Birliyidir. "Lift-servis” birliyi Sumqayıtda 1989-cu ildən fəaliyyət göstərir. O vaxtdan sözügedən müəssisədə rabitə, dispetçer xidmətləri fəaliyyət göstərir. Birlik liftlərə texniki xidmət, liftlərin quraşdırılması və sazlanması məsələlərinə baxır.
Bu müəssisə 9-cu mikrorayonda, ev 72-də yerləşir. 1989-cu ildən burada fəaliyyət göstərən birliyin direktoru Cümşüd İsmiyevdir. O, Sumqayıtın kürsüdə saç ağardan uzunömürlü məmurlarındandır. Belə ki, C.İsmiyev 27 ildir ki, direktor vəzifəsindədir.
Qeyd edək C. İsmiyev 2009-cu ildə Sumqayıt şəhərinin 60 illiyi münasibətilə şəhərin sosial-iqtisadi inkişafında xidmətləri görə "Tərəqqi” medalı ilə təltif olunub.
Xeberle.com