Sumqayıtda hər kəsin Metallurq kimi tanıdığı Yəhya Məmmədov küçəsi şəhərin alternativ yolu və sənaye girişi kimi tanınır. Yolun hədsiz bərbad halda olması, yük maşınlarının yaratdığı fəsadlar, səliqəsizlik, natəmizlik, üstəlik işıqlandırılmaması daim buradan hərəkət edənlərin haqlı narazılığına səbəb olur. Artıq Sumqayıt şəhər İcra Hakimiyyəti tərəfindən bu yolun da abadlaşdırılmasına qərar verilib.

 

Sumqayıt Memarlıq və Şəhərsalma İdarəsindən xeberle.com-a verilən məlumata görə, Yəhya Məmmədov küçəsi ümumilikdə 3800 metr olmaqla ən son standartlara uyğun təmir olunacaq, avtomobil yolu işıqlandırılacaq. Həmçinin sənaye zonasında işləyənlərin rahat hərəkəti üçün əlavə olaraq səki salınacaq. Küçənin abadlaşdırılması Bakı-Quba şosesinə qədər davam etdiriləcək. Bu küçə Sülh küçəsinin nümunəsində abadlaşdırılacaq. Küçənin girişində hasarın üzərindəki lövhədə Sumqayıtın simvolu öz əksini tapacaq. Bununla da Sumqayıtın əsas girişi istiqamətindən uzun illərdir ki, problem kimi səsləndirilən alternativ yol məsələsi həll olunacaq.

 

Xatırladaq ki, küçənin hazırkı durumu belədir: