Saytımızın poçt ünvanına şikayət məktubu daxil olub.

Məktubda Coşqun Məmmədov adlı sakin Sumqayıt şəhər 9-cü mikrorayonda fəaliyyət göstərən ''Gənclik'' marketdən şikayətçidir. Onun sözlərinə görə, bir neçə gün əvvəl həmin marketdən açıq şəkildə çəki ilə satılan Hindistan fındığı alıblar və açıb yeyəndə görüblər ki, bir neçə fındıq qurdlayıb. Əhəmiyyət verməyiblər. Sabahı bir də həmin yerdən eyni məhsulu alıblar. Bu dəfə isə məhsulun böyük hissəsinin istifadəyə yararsız olması - qurdlaması müəyyən edilib. ''Dərhal məhsulu gətirib marketə qaytardıq və pulumuzu geri istədik. Lakin marketdən pulumuzu qaytarmadılar. Dükan rəhbərliyi yararsız məhsulu digər - çəkisi az olmaqla, nisbətən baha qiymətə satılan yerfındığı ilə əvəzlədi. Axırda da bizə təşəkkür elədi ki, nə yaxşı ki, dediniz, yoxsa, xəbərimiz yox idi... Demək istəyirəm ki, alıcılar dükan bazarlardan mallar alanda diqqətli olsunlar. Həqiqətən də vaxtı ötmüş və ya saxlama şəraiti düzgün olmayan məhsullar satılır'', - deyə şikayətçi söyləyib.

Mövzu ilə bağlı qarşı tərəfin də mövqeyini işıqlandıra bilərik.