2016-cı ilin noyabr ayında "Sumqayıt” Elektrik Stansiyasında (ES) 296,7 milyon kilovat-saata yaxın elektrik enerjisi istehsal edilib. Bu da ötən ilin müvafiq dövründəki istehsaldan 8,5 milyon kilovat-saat çoxdur. Cari ilin 11 ayı ərzində isə ES-də 3 milyard 7,8 milyon kilovat-saata yaxın elektrik enerjisi istehsal edilib ki, bu da 2015-ci ilin müvafiq dövrü ilə müqayisədə 291,9 milyon kilovat-saat artıqdır.
"Azərenerji” ASC-nin ictimaiyyətlə əlaqələr və mətbuat xidmətindən bildirilib ki, "Sumqayıt” ES-in optimal iş rejimini saxlamaq üçün qrafik üzrə avadanlıqlara texniki xidmət göstərilib, o cümlədən cari ilin son üç ayı ərzində təmir qrafikinə uyğun olaraq 12 saylı qaz-turbin qurğusunda hava filtrləri yenilənib.
Hazırda elektrik stansiyası dispetçer qrafikinə uyğun istismar edilir.
Qeyd edək ki, ümumi gücü 525 MVt olan bu elektrik stansiyası 2009-cu ildə istismara verilib, hər birinin gücü 169 meqavat olan iki ədəd qaz və gücü 187 meqavat olan bir ədəd buxar turbinlərindən ibarətdir.
Xəbərdən istifadə edərkən istinad etmək vacibdir.