İşıq olan yerdə yaraşıq olar deyiblər. Ancaq Sumqayıtda elə küçələr var ki, bu yaraşıqdan məhrum qalıb. Maksim Qorki küçəsi də gecələri zülmətə qərq olanların siyahısındadır. Küçənin yaxınlığında istirahət məkanı yerləşir. Parkdakı dirəklərdən birində işıq yansa da bu ərazini  tamamilə işıqlandırmır. Küçə İşıqları İdarəsi Maksim Qorki küçəsindəki vəziyyətdən xəbərdardır. Qurumdan ARB 24-ə şifahi olaraq bildirildi ki, küçələrin işıqlandırılması prosesi mərhələli şəkildə həyata keçirilir. Sözügedən ərazidəki problem də yaxın vaxtlarda öz həllini tapacaq. 

Xəbərdən istifadə edərkən istinad etmək vacibdir.