15 ədəd üst-üstə spiral şəklində qoyulan daş və onların üzərində qağayı qanadları olan abidə. Yolu Sumqayıtdan düşən hər kəs yəqin ki, bu mənzərənin şahidi olub. Əvvəlcə bu sualı şəhər sakinlərinə ünvanlamaq qərarına gəldik. Apardığımız müşahidə onu deməyə əsas verir ki, respondentlərin əksəriyyəti bu abidənin şəhərin simvolu olmasından xəbərdardır. Amma digəl ki, mənasını bilən çox azdır. Süleyman Hacıyevin memarı olduğu tikili, özlüyündə bir çox məna ifadə edir. Bolluca informasiyanı keçmişdən bu günə daşıyan abidə sumqayıtlıların qürur mənbəyinə çevrilib. Vaxtilə tikilinin üzərində Sumqayıt adına da rast gəlmək mümkün idi. Lakin sonradan abidə alüminium materialdan istifadə edilməklə yenidən ucaldıldı. Bu zaman isə 15 daş prinsipinə əməl olunmadı. 13 metrlik abidə  bir neçə dəfə restavrasiya olunub və  hazırda 24 blokdan ibarətdir.
RAMİL ZEYNALLI

Xəbərdən istifadə edərkən istinad etmək vacibdir.