Sumqayıt şəhər İcra Hakimiyyətinin başçısı Zakir Fərəcov 66 saylı körpələr evi uşaq baxçasında Novruz bayramı münasibəti ilə təşkil edilən bayram şənliyində iştirak edib.
Sumqayıt şəhər İcra Hakimiyyətinin başçısı Zakir Fərəcov körpə fidanları və bağçanın kollektivini bayram münasibəti ilə təbrik edib. Gələcəyimiz olan uşaqlara can sağlığı, süfrələrinə bol ruzi-bərəkət , hər bir ailəyə sevinc və səadət dolu günlər və vətənə layiqli övlad olmalarını arzulayıb.
Bayram şənliyi üçün hazırlanan musiqili kompozisiyada uşaqlar maraqlı proqramla çıxış ediblər. Uşaqların ifasında Novruza, yazın gəlişinə həsr olunan şerlər, mahnılar və rəqs nömrələri tədbir iştirakçılarına xoş ovqat və bayram əhval-ruhiyyəsi bəxş edib.
Xəbərdən istifadə edərkən istinad etmək vacibdir.
