Aprel döyüşləri xalqımızın tarixinə yeni bir qəhrəmanlıq səlnaməsi yazıb. Düşmənə sarsıdıcı zərbələr vuran aprel döyüşlərində ordumuz gücünü bir daha nümayiş etdirərək hər bir azərbaycanlıya möhtəşəm qələbə sevinci yaşadıblar. Şəhidlik zirvəsinin ən uca bir zirvədir, onların unudulmayacaq və hər bir vətəndaşımız tərəfindən sevgi ilə xatırlanacaq. Bu fikirlər Sumqayıt şəhərində ötən ilin aprel döyüşlərində təmas xəttində ermənilərin təxribatlarının qarşısını alan zaman qəhrəmancasına həlak olmuş Şulan Bayramovun anım mərasimində səsləndirlib. Yaxınları Şulanı vətənsevər, mərd, cəsur bir gənc kimi tanıdıqlarını bildirib, xatirələrini paylaşıblar. Qeyd edək ki, Şulan Bayramov 1996-cı ildə doğulub. Silahlı Qüvvələrimizdə hərbi xidmətini başa vuran gəncin ordudan tərxis olunmasına bir neçə gün qalmışdı. Ötən ilin aprel döyüşlərində qəhrəmancasına şəhid olub. O, Sumqayıt şəhərindəki Şəhidlər Xiyabanında dəfn olunub.