Bir vaxtlar həyətlərdə uşaq meydançaları var idi. Binaların önündə yerləşən bu meydançalarda uşaqların vaxtını mənalı keçirmələri üçün vaxtilə yaxşı şərait vardı. Qum guşəsi, müxtəlif yellənçəklər və s. İndi onlardan əsər qalmasa da əlamət var.
Xeberle.com ARB24-ə istinadən bildirir ki, nəinki, Sovet dövründən qalmış, hətta son vaxtlar salınmış uşaq meydançaları da yararsız hala düşüb. Şəhərin mərkəzində, daha doğrusu 36-cı məhəllədə olan nümunəvi məhəllə adlanan yerdə də bunu adi gözlə də görmək olar, pozuntular yetərincədir, yelləncəklərdə oturacaqlar belə yoxdur.
Necə deyərlər, olanımızı qorumuruq. Belə çıxır ki, uşaq meydançalarından əsl sakinləri deyil, böyüklər hərtərəfli istifadə edir. Bununla da onlar övladlarının vaxtiylə özləri kimi əylənməsinin üstündən xətt çəkmiş olurlar.
Xəbərdən istifadə edərkən istinad etmək vacibdir.