Xeberle.com-un məlumatına görə, hadisə şəhərin 5-ci məhəlləsində ev15/32-də Pərviz Ələsgərova məxsus mənzil 15-də baş verib. Mənzilin mətbəxinin tavanı uçaraq yerə tökülüb, bəzi məişət avadanlıqları sıradan çıxıb. Xoşbəxtlikdən hadisə zamanı mənzildə heç kim olmayıb, xəsarət alan yoxdur. Hadisənin baş verdiyi mənzildə 4 nəfər yaşayır. Ələsgərovlar ailəsi təhlükə altındadır. Səbəb isə məlum hadisədir. Deyirlər ki, burada uçquna səbəb binanın qəzalı olmasıdır. Mənzil isə bu yaxınlarda təmir olunub.

P. Ələsgərov deyir ki, bina ötən əsrin 60-ci illərində inşa olunub, son zamanlar binada çatlar əmələ gəlib və sakinlər üçün təhlükə yaranıb.

 

Ümidvarıq ki, aidiyyatı qurumlar sözügedən binada yaşanan vəziyyətlə bağlı müvafiq addımlar atacaqlar.

 

Yeri gəlmişkən qeyd edək  ki, ARB24 TV binada yaranan vəziyyətlə bağlı reportaj da hazırlayıb.