Qasımova Samirə Gülnəzər qızı 12 aprel 1982-ci ildə anadan olub. Ailə qurduqdan 7 ay sonra həyat yoldaşını itirdiyi üçün qızını təkbaşına böyütməyə çalışır. Övladının hazırda 12 yaşı var. Ana-bala bir qarnı ac, bir qarnı tox kiçik daxmada kirayədə yaşayırlar. Kirayə haqqı isə 100 manat təşkil edir. Anası, qardaşı və digər qohumlarından heç biri bu əlacsız insanlara köməklik göstərmirlər. Samirə xanım tez-tez sudurqa keçirdiyinə görə dərmansız yaşaya və ayağa durub sağlam şəkildə yeriyə bilmir. Əmək fəaliyyəti olmadığı üçün işləyib evinə pul gətirməkdə də acizdir.

  Xeberle.com olaraq xanımın yaşadığı evə yollansaq da, rütubətdən evə daxil olmaq qeyri-mümkün idi. Evdə nə soyuducu var, nə də ki, televizor. Yeməyə bir tikə çörəyi güclə tapırlar. Samirə xanım o balaca daxmada həqiqətən köməksiz vəziyyətdə yaşayır. Epilepsiya xəstəliyi ilə yaşayan xanım insanlardan kömək istədi... İmkanı olan və kömək etmək istəyən şəxslər Corat qəsəbəsi, 71-ci məhəllə, ev 13-ə baş çəkərək ana-balanın yaşadıqları acınacaqlı həyat şəraitinin şahidi ola bilərlər. O gül balanın, həyatdan bütün ümidini üzmüş kövrək ananın üzünü güldürməklə xeyirxah insanlar savab qazanmış olarlar. Unutmayın, peyğəmbərimiz Həzrəti Məhəmməd (s.ə.s) demişdir ki: "Başqasına aid bir yetimi himayə edən şəxs ilə mən cənnətdə yan-yana olacağam”.