Vaxtaşırı Sumqayıt şəhər Təmizlik Departamentinin nəzdində olan Sumqayıt məişət tullantıları poliqonunun acınacaqlı vəziyyətindən, orada Sumqayıt və Xırdalan şəhərlərindən gətirilən məişət tullantılarının yandırılması barədə məlumatlar veririk. Təəssüflər olsun ki, adıçəkilən ərazidə artıq demək olar ki, hər axşam zibil yandırılır. Bu dəfə Sumqayıt ziyalılarından biri, həkim, iş adamı Hümbət Quliyev öz facebook səhifəsində bu halı kəskin pisləyibə və şəhər rəhbərliyinə müraciət ünvanlayıb.

 

Xeberle.com həmin təklifi təqdim edir. Bu gün Sumqayıt sakinlərinin ən ümdə və vacıb problemi Sumqayıt məişət tullantıları poliqonunda yaranmış acınacaqlı vəziyyətdir. Bu poliqonda vaxtaşırı tullantıların yandırılması nəticəsində əmələ gələn tüstü şəhəri bürüyür və insanların tənəffüsünü cətinləşdirir! Hal-hazırda da tüstü şəhəri bürüyüb. Bu problem istisnasız bütün Sumqayıt sakinlərinə mənfi təsir edir. Tüstünün tərkibində plastik kütlənin yanmasından əmələ gələn qarışıqlar da oldugundan, tənəffüs yollarında problemləri olan insanlar, yaşlılar və uşaqlar ücün bu hal xüsusən dözülməzdir!

 

Eyni zamanda bu tüstü həmin səbəbdən kanserogen təsirə də malikdir! Hesab edirəm ki, bu problem şəhərimizi turizm mərkəzinə cevirmək perspektivlərinə də kölgə salır. Mən vətəndaş olaraq təklif edirəm ki, yerli icra hakimiyyətinin təşkilatcılığı ilə Sumqayıt şəhərində " Sumqayıt məişət tullantıları poliqonunda vəziyyət və problemin həlli perspektivləri" mövzusunda toplantı kecirilsin. Toplantıda aidiyyəti olan bütün mərkəzi orqanların yüksək məsul nümayəndələrinin iştirakı təmin edilsin. Toplantının qəbul etdiyi qərarlar Sumqayıt ictimaiyyətinə catdırılsın. Qəbul edilmiş qərarların icrasına nəzarətə ictimaiyyət nümayəndələrinin cəlb ediməsini də vacib və məqsədəuyğun sayıram.