Sumqayıt
Avtovağzalı ərazisində acınacaqlı vəziyyət hökm sürür. Belə ki, kənd təsərrüfatı məhsullarının satışının antisanitar şəraitdə təşkil
olunması sadəcə təəssüf doğurur.
Xeberle.com xəbər verir ki, "Dünya" TV vəziyyətlə bağlı videomaterial hazırlayıb. Qeyd olunur ki, meyvə-tərəvəz bazarının nə qədər acınacaqlı və bərbad vəziyyətdə olması
isə həqiqətən dəhşətlidir. Kənd təsərrüfatının satışı ilə məşğul olan şəxslərin
öz məhsullarının tullantılarını haraya gəldi
atmaları sanitariya qaydalarını kobud şəkildə pozur. Bu da Avtovağzal ərazisində
xoşagəlməz mənzərənin yaranmasına səbəb olur. Ən dəhşətlisi isə budur ki, kənd
təsərrüfatı məhsullarının satışına birbaşa nəzarət edən qurum yarmarkadakı
antisanitar vəziyyətə göz yumur. Sözügedən qurum hətta ərazidə
tullantıların təmizlənməsi məqsədilə Sumqayıt şəhər Təmizlik Departamenti tərəfindən təklif
olunan müqaviləni belə imzalamaqdan imtina edib.
Qeyd edək ki, Sumqayıt şəhər İcra Hakimiyyəti
tərəfindən antisanitar vəziyyət dəfələrlə aradan qaldırılsa da, bu hal mütəmadi
olaraq təkrarlanır.
Xəbərdən istifadə edərkən istinad etmək vacibdir.
