Xeberle.com-a verilən məlumata görə, tədbirdəşəhərin müxtəlif sahələrini təmsil edən gənclər təşkilatları və ictimai-fəal gənclər iştirak ediblər.

İlk öncə Azərbaycan torpaqlarının ərazi bütövlüyü uğrunda canlarından keçmiş şəhidlərin əziz xatirəsi bir dəqiqəlik sükutla yad edilib. Sonra iştirakçılara 1918-ci ildə törədilmiş soyqırımı hadisələri haqqında video çarx və Səməd Vurğun adına Mərkəzi Kitabxananın soyqırımı əks etdirən kitablarının xülasəsi nümayiş olunub.

Baş İdarənin Gənclərlə iş sektorunun müdiri Ceyhun Hüseynov, Gənclər Evinin direktoru Pəri Vəliyeva tədbirdə çıxış edərək 1918-ci ildə Bakı və digər bölgələrdəermənilər tərəfindən xalqımıza qarşı törədilən etnik təmizləmə, soyqırımı və təcavüzkar siyasət barədə məlumat verib,1998-ci il martın 26-da Ulu Öndər Heydər Əliyevin "Azərbaycanlıların soyqırımı haqqında" imzaladağı fərmana əsasən hər il 31 MartAzərbaycanlıların Soyqırımı günü kimi dövlət səviyyəsində qeyd edildiyini bildiriblər. Bildirilib ki, Prezident İlham Əliyevin rəhbərliyi və tapşırığı ilə ermənilər tərəfindən Azərbaycanlılara qarşı törədilmiş soyqırım hadisələrinin bütün dünyada tanıdılması istiqamətində əməli işlər aparılır. Bu məqsədlə ölkə başçısının 1918-ci il azərbaycanlıların soyqrımının 100 illiyi haqqında sərəncamı xüsusi əhəmiyyət kəsb edir.

Digər çıxış edənlər Sumqayıt Dövlət Universitetinin tarix müəllimi Sarvan Bədəlov, tələbələr Əli Miriyev, Umud Cavid müxtəlif bütün dövrlərində ermənilərin çirkin niyyətlərini reallaşdırmaq üçün törətdikləri soyqırımından, şovinist erməni siyasəti və acı nəticələrindən danışıblar.

Sonda iştirakçıklara soyqırımı həqiqətlərini haqqında bukletlər paylanıb.