Abşeronda su borusu partlayıb. Avtomobil yolu su altında qalıb.
Xəbərlə.com Report-un yerli bürosunun məlumatına istinadən xəbər verir ki, hadisə Saray qəsəbəsində baş verib.
Qəsəbədə su borusunun sıradan çıxması nəticəsində Sumqayıta gedən yol tamamilə su altında qalıb. Hətta su o qədər çox olub ki, avtomobillərin hərəkətində çətinliklər yaranıb.
Əraziyə Azərsu ASC-nin Abşeron Su Kanal İdarəsinin əməkdaşları cəlb olunub. Hadisənin qismən qarşısı alınıb.
Hazırda ərazidə təmir bərpa işləri həyata keçirilir. Avtomobillərin hərəkətində qismən çətinliklər mövcuddur.

Xəbərdən istifadə edərkən istinad etmək vacibdir.