Bu gün Bakı Ağır Cinayətlər Məhkəməsində qəsdən sağlamlığa ağır zərər vurmada təqsirləndirilən Coşqun Hüseynovun cinayət işi üzrə məhkəmə iclası başa çatıb.
Xeberle.com-un report-a istinadla xəbərinə görə, hakim Ramella Allahverdiyevanın sədrliyi ilə keçirilən prosesdə hökm oxunub.
O, məhkəmənin hökmü ilə 9 il müddətinə azadlıqdan məhrum edilib.
Qeyd edək ki, Daxili İşlər Nazirliyinin yaydığı məlumata əsasən, Sumqayıt Şəhər Polis İdarəsinin 2-ci Polis Bölməsi əməkdaşlarının keçirdikləri əməliyyat tədbirləri nəticəsində bu il fevralın 25-də şəhər sakinləri Emin Ömərə və İbrahim Cəfərova bıçaqla xəsarət yetirməklə sağlamlıqlarına ağır zərər vurmaqda şübhəli bilinən H.Z.Tağıyev qəsəbə sakini, əvvəllər məhkum olunmuş, 1999-cu il təvəllüdlü Coşqun Hüseynov saxlanılıb.
Araşdırmalarla həmin vaxt İ.Cəfərovun münaqişə zəminində C.Hüseynovun atası İslam Cəfərovu da ayaq nahiyəsinə bıçaqla xəsarət yetirməsi də müəyyən edilib.