Azərbaycanda gənc təbiətçilər hərəkatının 90 illiyi və Təhsil Nazirliyi Respublika Ekoloji Tərbiyə və Təcrübəçilik Mərkəzinin 85 illiyi ilə əlaqədar olaraq məktəblilərin ekoloji maarifləndirilməsini genişləndirmək məqsədilə Bakıda “Ətraf mühitə töhfəmiz” mövzusunda məktəblilərin Respublika Ekoloji Forumu keçirildi.

«Ətraf mühitə töhfəmiz” məktəblilərin Respublika Ekoloji Formunun əsas məqsədi məktəblilərin ekoloji biliklərinin artırılması, ekoloji dünyagörüşünün, ətraf mühitə məsuliyyətli münasibətin və ekoloji mədəniyyətin formalaşdırılmasıdır. Forumun şəhər mərhələsinin qalibləri 2 nominasiya üzrə 3 referat işi və 3 yaradıcılıq işi respublika turuna vəsiqə qazandı.

Referat işi üzrə aşağıdakı məktəblər qalib oldular:

I yer - Təfəkkür liseyi, Süleymanova Xədicə Bahəddin qızı

II yer - 5 nömrəli tam orta məktəb, Məmmədov İlkin Ariz oğlu

III yer - 25 nömrəli tam orta məktəb, Məmmədova Aysel Eyyub qızı

Yaradıcılıq işi üzrə aşağıdakı məktəblər qalib seçildi:

I yer - 13 nömrəli tam orta məktəb, Həsənova Elmira Etibar qızı

II yer - 35 nömrəli tam orta məktəb, Bayramova Aysu Rüfət qızı

III yer - 27 nömrəli tam orta məktəb, Abbasova Aysel Elçin qızı 

Çox sevindirici haldır ki, müsabiqənin Respublika turunda Ekoloji Tərbiyə və Təcrübəçilik Mərkəzinin “Gənc ekoloq” dərnəyinin üzvü, 13 saylı orta məktəbin 8-ci sinif şagirdi Həsənova Elmira Etibar qızı  “Yaradıcılıq işi” nominasiyasında I yerə layiq görülüb. Qeyd edək ki, H.Elmira ETTM “Elmi Şurasının” üzvüdür və o, 2013-cü ildə İNEPO – Beynəlxalq Ekoloji Layihələr Olimpiadasında bürünc medal qazanmışdı.

“Xeberle.com”