Bildiyimiz kimi ASAN xidmət yaranandan sonra Mənzil İstismar Sahələrinin səlahiyyətləri əvvəlki illərə nisbətdə xeyli azaldı. Bu da öz növbəsində onların tezliklə bağlanacağı sualını ortaya çıxardı. Səlahiyyətlərinin azaldılmasına baxmayaraq onlar yenə də özbaşınalıqlarına davam edirlər.Adi bir arayışı almaq üçün bir neçə gün o quruma gedib-gəlmək lazım olur. Adını vermək istəməyən bir Sumqayıt sakininin dediyinə görə arayışı almaq üçün MİS rəhbərliyi onu düz iki gün get-gələ salıb sonda isə arayışı verdikdə üstəlik hələ rüşvət də tələb edib.
Onların özbaşınalığı bununla bitmir. Hər il bütün mənzillərdən zibil pulu, ev pulu yığılır amma nəticədə ciddi olaraq heç bir iş görülmür. Zibillər aşıb daşır, yığılanda da yandırırlır, həyətlər natəmiz...
Şəkildə də gördüyünüz kimi, MİS-lərin iş rejimi qeyri-standartdır. Belə rejimlə və aşağı maaşla onlardan böyük nəsə gözləmək də heç insafdan deyil. Amma bu, onlara yuxarıda göstərdiyimiz neqativ halları yaratmaq üçün də əsas verməməlidir.

Həcər Abbaslı, xeberle.com