Xəbər verdiyimiz kimi, qarın yağması ilə əlaqədar Sumqayıtda yaranan problemlərlə bağlı saytımızda sutkalıq fəaliyyət göstərən qaynar xəttə müraciət edə, şikayətlərinizi çatdıra bilərsiniz. Qaynar xətt nömrəmiz: 050 263 24 79.

Artıq ilk şikayətlərimiz daxil olub.

- Ceyhun adlı Sumqayıt sakini bildirib ki, yaşadıqları 9 mikrorayonda (Şərq bazarına yaxın) işıq yarım saat yanır, sonra 2 saat sönülü olur. Sakinin bildirdiyinə görə, dünən gecə saat 3-dən sönən işıq bu gün 6-da yanıb.

- Məlahət adlı şikayətçi isə söyləyib ki, səhər saatlarından Qurd dərəsində su kəsilib.

- Ruslan adlı şəxs söyləyir ki, 52-ci məhəllədə (Daş bazarı tərəf) işıqlar axşam saat 9-dək gah yanıb, gah sönüb, amma hələ ki, yanır, gerisinə baxaq.

- İradə adlı sakin zəng edərək bildirdi ki, hazırda 45-ci məhəllənin 7/79-cu binasında işıqlar sönüb və qazın təzyiqində də azalma müşahidə olunur.