"İcra başçısı mütəmadi olaraq sakinlərlə
səyyar görüşlər keçirir, onları dinləyir, problemlərin həlli ilə bağlı
tapşırıqlar verir. Bununla
bərabər Mənzil Kommunal Təsərrüfatı İstehsalat Birliyinin rəhbər işçiləri də
mütəmadi olaraq sakinlərlə görüşür, onların şikayət və narahatlıqları, təşəbbüs
və təklifləri dinlənilir. Səslənən problemlərlə bağlı dərhal aidiyyəti üzrə
tapşırıqlar verilir".
Bu barədə Sumqayıt Mənzil Kommunal Təsərrüfatı
İstehsalat Birlyindən Xeberle.com-a verilən açıqlamada deyilir.
Açıqlamada vurğulanır ki, 2018-ci ilin ikinci yarısında 16 mikrorayon və
məhəllədə sakinlərlə görüşlər keçirilib: "Görüşlərdə ən çox səslənən
narahatlıqlar zirzəmilərlə bağlı olub. Hazırda zirzəmilər çox ciddi nəzarətə götürülüb. Qrafik əsasında
dezinfeksiya olunur.
Bundan
başqa "Feysbuk" sosial
şəbəkəsində qurumun "BİZİM
HƏYƏT" (https://www.facebook.com/B%C4%B0Z%C4%B0M-H%C6%8FY%C6%8FT-272631756897865/)
adlı səhifəsinə də sakinlər tərəfindən
müraciətlər olunur və operativ tədbirlər görülür. Görüşlərdə sakinlər tərəfindən
qaldırılan məsələlərlə bağlı qurum tərəfindən mütəmadi tədbirlər həyata
keçirilir. Həyətlərin yaşıllaşdırılması və oturacaqların quraşdırılması bu
istiqamətdə görülən işlərdəndir. Sakinlərdən problem və təklifləri olacağı
təqdirdə "BİZİM HƏYƏT"
səhifəsinə yazmaqlarını rica edirik. Hər bir edilən müraciət diqqətlə
araşdırılır və operativ olaraq tədbirlər görülür".
Qurumdan bu il də görüşlərin davam etdiriləcəyi və Novruz
bayramına yeni nümunəvi həyətlərin salınmasının planlaşdırıldığı bildirilib. Eyni
zamanda, digər işlər də bu il davam etdiriləcək: "Mart ayından həyətlərin
asfalt örtüyünün dəyişdirilməsi işlərinə yenidən başlanacaq. Mütəmadi olaraq həyətlərin yaşıllaşdırılması və iməciliklərin keçirilməsi, o cümlədən təbliğat
xarakterli posterlərin binaların divarlarında yerləşdirilməsi işi də davam
etdirilir."
Xeberle.com
Xəbərdən istifadə edərkən istinad etmək vacibdir.
